物業投資之我見

生活在澳門的小幽生, 其實更偏好買樓買車位收租, 原因是澳門人有錢了, 個個後生仔唔洗讀書都月入兩萬左右, 閒錢多了, 就想買車, 但車位卻越來越少, 公共停車場長期泊滿; 因此, 個人認為車位投資是穩陣收租之選!

另外, 買樓買車位可做按揭, 有槓杆效果; 小幽生更偏好於現時低息環境下, 有幾多借幾多; 另外, 澳門不像香港有中央資料庫, 只要你唔講, 銀行唔會知你的借貸情況, 但相信此情況, 將來必會有所改變, 到時你想借錢買多個物業就冇咁容易! 所以小幽生的按揭貸款遍佈各大小銀行, 後生唔博等待何時呢?

眼下身邊比小幽生稍為年長之輩, 月收入比小幽生多出何止一萬幾千, 但每每談到物業投資, 就叫人小心會跌, 小心加息, 小心超過供樓超過月收入幾多幾多等; 亦常常表示以前邊度邊度賣唔洗一百萬, 我無買之嘛云云; 結果大升浪沒有參與其中, 就連換樓都沒有, 只有自住樓一間, 表示心滿意足, 自我安慰...

小幽生一於懶理, 我行我素, 人買我又買, 買左先算啦!