關於包浩斯及投資近況

很久沒更新, 受到某價值blogger參觀完所啟發, 順道更新一下:

包浩斯從高位3.5下跌, 已分數注以平均價2.8左右全數獲利, 是本人一次頗成功及滿意的一次投資經驗, 因全程只是靠自己分析而買入及賣出。

當初買入沒有很多年報分析, 更多的是像Peter Lynch所描述, 一般投資者應多留意身邊的事物, 發掘更多投資機會, 看到包浩斯的店舖及品牌擴大 (Salad, 極度乾燥等)而買入。

賣出時卻不是預期業績轉差, 更多的是因為香港的政治因素不穩, 導致旅遊業及零售業受到很大影響, 澳門賭收亦是不容樂觀, 因此作出止賺決定, 待日後有機會會再次成為483的小股東。

另外, 港股從高位連月下跌, 月線圖出現連續2支, 3支甚至更多陰燭, 小弟真心未見過如此弱勢的牛市, 因此最後都忍痛止賺及止蝕組合內的75%持股 (包括中國銀行等價值股), 靜待股市大平賣的到來。

P.S. 港股18000是否可投機性買入博下反彈呢?

何謂價值投資

香港blogger很多以價值投資自居, 觀乎各blogger網誌內容, 可歸納出價值投資特點如下:

1. 只買大型股 (藍籌, 紅籌等), 這才是價值投資, 買中小型股屬投機行為; 買大型股有幾點好處, 首先, 可每日睇完報紙出文或回覆時扮專家, 另外, 如果出現任何虧損情況, 亦有大把人陪, 能找到一點心靈安慰。
2. 堅持己見, 不斷溝淡; 錯誤理解名言 "別人恐懼我貪婪", 始終認為股票價格會回歸到價值本身, 但價值為何? 卻不懂裝懂, 撫心自問, 無法回答。
3. 堅持己見, 不會止蝕; 不理會身邊新聞或朋友的建議, 錯誤理解名言 "投資的路是孤獨的", 認為成功的人只是少數, 而自己就是少數的成功者, 必須獨排眾議, 認清"目標", 卻從不檢討是否投資錯誤。
4. 炒股不炒市, 認為不理牛熊, 只管往績市盈率, 股息率等, 覺得抵買就買, 即使公佈業績見紅不派息, 依然回歸到第2第3點, 而不理會大市及經濟等逆轉因素。

其實總結下來, 跟我買法有何區別? 只係多左 "價值投資" 作為外包裝, 一討論, 有幾了解買入個股, 已經一清二楚, 可憐一些投資初哥以為找到指路明燈, 盲目跟從......

心血來潮, 將一些想法記錄下來, 日後想到再補充

澳門車位

近排小幽生想找個車位投資, 鎖定新口岸區, 但原來現在想在澳門區找一個正常的車位, 要100萬樓下已經是很難達成了; 看來只能眼白白睇住佢繼續升了......
另外, 就算在慕拉士區, 樓花車位, 要等3, 4年, 仲要比首期即供, 3樓都要9X萬了, 仲要冇乜幾多個剩, 睇黎, 想唔接受都唔得。
依家真係應左句投資名言：「在別人貪婪時, 你要變得恐懼。」小幽生真係比D價錢搞到好恐懼呢!

買入包浩斯

見電視賣Salad廣告, 好cute好正, 近排又多左Salad專門店, 街又多人用佢D袋, 買入試下, 應該唔錯呱, 1.19, 買左先講!

分散投資

小幽生看過一些財經書籍, 上網亦有看過一些文章, 有建議投資者應集中持投, 手中股票不應超過5隻, 亦有建議散戶應分散投資, 不應將雞蛋放在同一個籃中......

小幽生主張後者, 手上持股現時亦超過25隻; 主因小幽生鐘意就買, 不做功課, 如集中投資, 很容易中伏而身首異處......分散投資就算小注買中老千股, 亦不至於拖跨整個投資組合! 小幽生跟很多散戶一樣, 鐘意人買乜就買乜, 亦曾買過老千股; 小幽生現時亦手持一隻, 記得當初睇無記財經豆豉的中資高瘋會環節推介, 覺得前景美好, 於是買入; 買入後, 股價節節下跌, 不止蝕, 董事跳船, 亦不止蝕, 直到最後停牌被查,  輸足90%, 到現在仍未復牌! 以後有機會再分享!

雖然遇上以上經歷, 亦無損小幽生心情, 旅行照去, 飯照食, 野照買! 全因分散投資可減低損失, 心想強如歐洲股神安東尼．波頓亦買下霸王損手, 作為散戶的我亦無需灰心! 繼續鐘意就買!

仔仔的利是錢

仔仔今年第一次收到利是錢, 連同之前滿月所收的利是錢, 大概萬餘圓吧, 小幽生打算幫佢買晒股票收息, 好過放銀行冇息收啦!

心目中打算買入中行或工行, 平嘛, 幾千蚊有1手; 雖然報紙成日話乜野地方債影響內銀, 一陣又話佢升得慢, 小幽生唔明咁多, 鐘意就買, 國企, PE7,8倍, 股息4厘幾, 買入長渣, 冇得輸啦! 我就唔信十年後會低過現價呀! 冇必要同我講匯豐思捷電盈等的故事, 總之, 一於懶理, 買左先算啦!

物業投資之我見

生活在澳門的小幽生, 其實更偏好買樓買車位收租, 原因是澳門人有錢了, 個個後生仔唔洗讀書都月入兩萬左右, 閒錢多了, 就想買車, 但車位卻越來越少, 公共停車場長期泊滿; 因此, 個人認為車位投資是穩陣收租之選!

另外, 買樓買車位可做按揭, 有槓杆效果; 小幽生更偏好於現時低息環境下, 有幾多借幾多; 另外, 澳門不像香港有中央資料庫, 只要你唔講, 銀行唔會知你的借貸情況, 但相信此情況, 將來必會有所改變, 到時你想借錢買多個物業就冇咁容易! 所以小幽生的按揭貸款遍佈各大小銀行, 後生唔博等待何時呢?

眼下身邊比小幽生稍為年長之輩, 月收入比小幽生多出何止一萬幾千, 但每每談到物業投資, 就叫人小心會跌, 小心加息, 小心超過供樓超過月收入幾多幾多等; 亦常常表示以前邊度邊度賣唔洗一百萬, 我無買之嘛云云; 結果大升浪沒有參與其中, 就連換樓都沒有, 只有自住樓一間, 表示心滿意足, 自我安慰...

小幽生一於懶理, 我行我素, 人買我又買, 買左先算啦!